قازاقستان تاجىستانعا ەكسپورتتالاتىن استىق كولەمىن 1,3 ميلليون تونناعا جەتكىزۋگە مۇددەلى. بۇل جونىندە تاراپتار استانادا وتكەن كەزدەسۋ بارىسىندا مالىمدەدى, دەپ حابارلايدى Egemen.kz.
«ازىق-ت ۇلىك كەلىسىمشارت كورپوراتسياسى» اكتسيونەرلىك قوعامى مەن تاجىكستان رەسپۋبليكاسى ۇكىمەتى جانىنداعى مەملەكەتتىك ماتەريالدىق رەزەرۆتەر اگەنتتىگى ازىق-ت ۇلىك جەتكىزۋ سالاسىنداعى ءوزارا ىنتىماقتاستىقتى نىعايتۋعا ۋاعدالاستى.
پارسى شىعاناعىنداعى سوعىستان مۇناي ەكسپورتى 44 پايىزعا قۇلدىراعان
قازىرگى تاڭدا تاجىكستان ىشكى ءوندىرىس ەسەبىنەن ەلدىڭ ازىق-ت ۇلىك قاجەتتىلىگىنىڭ شامامەن 40 پايىزىن عانا قامتاماسىز ەتىپ وتىر. ال قازاقستان تاجىكستاننىڭ نەگىزگى استىق جەتكىزۋشىلەرىنىڭ ءبىرى سانالادى. اۋىل شارۋاشىلىعى مينيسترلىگىنىڭ مالىمەتىنە سۇيەنسەك, وتكەن جىلى قازاقستاننان تاجىكستانعا جەتكىزىلگەن بيداي كولەمى 1,2 ميلليون تونناعا جەتىپ, سوڭعى بەس جىلداعى ەڭ جوعارى كورسەتكىشتى قۇرادى. ال تاجىكستان تاراپى اعىمداعى ماۋسىمدا 1,3 ميلليون تونناعا دەيىن استىق ونىمدەرىن يمپورتتاۋدى جوسپارلاپ وتىر.
تاياۋ شىعىستاعى داعدارىستىڭ قازاقستان ەكسپورتىنا اسەرى قانداي؟
تاجىكستان رەسپۋبليكاسىنىڭ مەملەكەتتىك ماتەريالدىق رەزەرۆتەر اگەنتتىگىنىڭ ديرەكتورى نۋرماحماد احمادزودانىڭ ايتۋىنشا, تاراپتار تەك استىق ەمەس, سونداي-اق ۇن مەن كۇنباعىس مايىن جەتكىزۋ باعىتىندا دا ىنتىماقتاستىقتى كەڭەيتۋگە مۇددەلى.
ء«بىزدىڭ ىنتىماقتاستىعىمىزدىڭ بولاشاعى زور, ويتكەنى ازىق-ت ۇلىك قاۋىپسىزدىگى كەز كەلگەن مەملەكەت ءۇشىن ارقاشان الدىڭعى ورىندا تۇرادى. ءبىز تەك استىق قانا ەمەس, سونىمەن قاتار ۇن مەن كۇنباعىس مايىن جەتكىزۋگە دە مۇددەلىمىز», دەدى نۋرماحماد احمادزودا.
ءوز كەزەگىندە «ازىق-ت ۇلىك كەلىسىمشارت كورپوراتسياسى» اق باسقارما توراعاسىنىڭ ءبىرىنشى ورىنباسارى يلدار يسماگۋلوۆ كومپانيانىڭ تاجىكستانمەن ارىپتەستىكتى ودان ءارى دامىتۋعا دايىن ەكەنىن جەتكىزدى. ونىڭ ايتۋىنشا, سەرىكتەستىك ءوزارا سەنىم مەن ورتاق ماقساتتارعا نەگىزدەلگەن جانە كورپوراتسيا جەتكىزۋدىڭ ءتيىمدى تەتىكتەرىن ۇسىنۋعا ءازىر.
قازاقستان تسيفرلىق قىزمەتتەر ەكسپورتىن كەڭەيتەدى
نۇربولات امانبەك